Mar Ionad Ealain na Gàidhealtachd tha Eden Court moiteil a bhith na àrainn ioma-chànanach agus na dhachaigh don Ghàidhlig ann an Inbhir Nis.

Tha fàilte bhlàth ron Ghàidhlig an seo aig Eden Court, co-dhiù a tha thu fileanta, ag ionnsachadh no le ùidh sa chànan.

Nì sinn cinnteach gu bheil an togalach, am prògram agus na tachartasan againn fosgailte ruigsinneach dhaibh-san a chleachdas a’ Ghàidhlig gu làitheil. Nam bu mhath leibh fiosrachadh a tha sa Bheurla fhaighinn sa Ghàidhlig, nach cuir sibh brath gu: [email protected]

Tha sinn trang ag obair air ro-innleachd ùr adhartach dhan bhuidheann shlàn ach an cuir sinn romhainn mar a bhios sinn a’ brosnachadh, a’ mealtainn agus a’ cleachdadh a’ chànain.

Am prògram againn

Tha sinn dealasach mu bhith a’ cur obair Ghàidhlig air na h-àrd-ùrlaran agus air na sgrìnichean againn a tha math is tarraingeach. Am measg nan cuirmean agus nan tachartasan Gàidhlig a tha ri thighinn, tha:

A’ taiceadh luchd-ealain

Tha sinn cuideachd dealasach mu bhith a’ cumail taic ri luchd-ealain Gàidhlig air feadh na h-Alba, ’s gu sònraichte air Ghàidhealtachd. Tha fiosrachadh is eòlas farsaing aig sgioba Eden Court agus sinn deiseil a bhith ga sgaoileadh a chùm leasachadh na roinne. Nach cuir sibh brath thugainn nam bu mhath leibh bruidhinn rinn mu phròiseact no beachd a tha aig ìre sam bith, ann an gnè ealain sam bith.

Faodar fiosrachadh do luchd-ealain agus companaidhean, a thuilleadh air mar a chumas sinn taic ri luchd-ealain na Gàidhealtachd, a lorg an seo. 

Riochdaire, Ealain Ghàidhlig & Dhualchasach

’S i Seona NicClintock an Riochdaire againn do na h-Ealainean Gàidhlig & Dualchasach, le dleastanas gus an ro-innleachd againn a thoirt air adhart agus pròiseactan tron Ghàidhlig a lìbhrigeadh. Nam bu mhath leibh bruidhinn rithe mu phròiseact no beachd, toirt beachd thugainn air a’ Ghàidhlig aig Eden Court, no cur ris an ro-innleachd Ghàidhlig againn, cuiribh brath gu [email protected]

Tha Gàidhlig aig Eden Court a’ faighinn taic o Bhòrd na Gàidhlig.